Du ta nece, dipos gatinha, prende tchuma papa i mama, socializa na nos ambiente ta aprende nomes de cusas que ta rodia-nu i comunica na dimensao de informacao que du/nu recebe atraves de constactacao pessoal i de pessoas na universo de criolo.
Mas tarde, pa razao de ascende a um nivel de aprendizagem cientifico du ta utiliza outro lingua ( portugues) pa du/nu aprende ciencia e tecnologia.
Criolo ta fica ta obi portugues ta explica i devagar el ta bai ta raciocina conceitos i, sempre cu atrofiamento, ta aprende novos cusas.
Hoje criolo quere liberta, i que sta dreto mee, pel organiza estruturalmente como lingua, capaz de transmiti SABER.
Mas pergunta que du/nu ta faze e seguinte: El sta preparado pel transmite conhecimento ou el tem que ter como auxilio portugues?
Criolo bai scola djunto cu me, i dento me, el aprende portugues pel pode tem conhecimento cientifico de mundo. Dipos del prende portugues i conhecimento el sai de scola ta pensa mundo de ciencia em criolo i ta pensa a partir de portugues tchiga mas pra la...talves pega na frances, ingles, alemao, russo, etc pel tchiga mas pra la, mas sempre cu sentido na screbel i papial amanha na lingua de terra.
Brockton, 30 de Marco de 2012
Sem comentários:
Enviar um comentário