VOZ DI POVO

NB: Na linha e tradição de terra; cu raiz fincado na fundo ribeira nós corpo e nós alma t’afirma Djarfogo na som e na tom, na ritmo e na rumo de um Cabo-verde unido na diversidade
És é um passage que passa na Fogo entre um velho de nome Cuné e um jovem de nome Libau.

Tudo alguém estaba preocupado cu vida de Cuné, que durante tudo sê mocidade e, também, na caminhada de sê 60 anos nunca el preocupa c’um mudjer pa sirbi-l de companhia.

Ao longo de sê vida ninguém c’obi se-l ranja um crencrém (moda ta falado na Djarfogo ora que um homem está interessado n’um relação amorosa c’um mudjer. Sempre el passa sê vida distraído ta joga oril ó carta, sem pensa na quel otro lado que homem mas ta gosta, nés caso, vida amorosa.

Libau e sés companhero, estaba interessado na envolve Cuné num experiência sexual. Então, véspera S. Filipe, Libau e mas 4 de sês companhero resolve cria-l um oportunidade p’el bai prova, primero bez, um relação sexual.

Comó rapazes sabê ma pés tipo de cusa tem que tra um bocadinho de brigonha és resolve sai cu Cuné na parodia, da-l bom grogo, depôs também bom prato comida, pa depôs és leba-l pa Casa d’Ago ( lugar unde ta funcionaba prostituição, quase legal, na Aguadinha, Bila).

Rapazes, tudo contente pamode homem nunca ca purba sal de sexo, pensa ma sés dedicação era justo e de um reconhecimento extraordinário pa Cuné.

Cu sistema tudo montado, rapazes escolhe quel menina mas bonitona, assim pa pode abri-l apetite sexual màs, és instrui menina e és fala-l ma Cuné era um homem virgem que estaba ta cai na sê mon; ali, menina fica màs contente e el fala’s: Nhos pode fica sossegado: nhos ca meste ensina peixe nada. El sorri moda um anjo,que, até rapazes fica quase arrependido, mas Cuné já estaba na braço de encantada.

Ma comó era dia de Cuné, rapazes entrega-l na mon de menina e cu satisfação és fica ta espera.

Qanto Cuné sai rapazes fica tudo contente e ancioso pa obi novidade. És pergunta-l tudo junto: Homem cosa é modi?!

Cuné, cu corpo labilabido e de cabis baxo fala’s: É só nhos que tem brio cu és cusa li; M-staba cu nha corpo dreto, farto nha bida e cu corpo esperto. Nhos espia manera quel morre-m corpo e, nunca mas ca nhos po-m nes cansera li, rapazes.

Rapazes, tudo espantados e desiludido fala pa companhero: És li sê bida é baradjo, oril e comida.

Na ta passa pa bai pa casa, Cune fala’s: És cusa quenha que ta gosta del é José de Tchica, Nobo Nês e Quim de Tchotchinha...és li ca tem piada.

Sem mas comberso, rapazes prati de garça.

Napoleão Vieira Andrade