NB: Comberso sabido na linha e tradiçan de terra; nós sociedade e nós guentes de peto bronze e alma cetim. Es é um passage que passa na Fogo entre um néscio (Nene) e um senhora de nome Nha Maria.
Era na mês de Maio, 12 hora de dia, que sol ta senta-nu riba tchada cabeça, que até nos sombra ta perda na tchon, que Nene parce na Tchã moda tudo quês otro jornada quel ta faze temporariamente pel toma gasadjo.
Normalmente, el ta mora cu pessoas quel ta senti afinidade, seguro e leal.
Pa coincidência el bate na porta certo, casa muto hospedero de Nha Maria.
Nha Maria, cu quel geto sabi, pega-l na comberso, djunto cu trabadjo e orde de cozinha. mudjer ordera e de cozinha refogado, manda se fidjo Mané tiça lume pel pode da atenção na visita que tchiga e aproveita também de caba tchana pato, codjdê djangoliso e alguns fanhangos que stà na berado casa.
Cumo és cababa de almoça, Nha Maria, mudjer sabona e também partioza, convida Nené se’l cria almoçaba, dja que tradiçan de fora sempre é agradece e recebe forasteiro sabe e contente.
Ma Nené, sem da pa nada el fra m’el ca crê ; brio de corpo...
Antan, Nha Maria continua ta tchana pato e depôs el bai pa berado casa, distância que inda ta permeti-l papia normal cu Nené [ assim pel ca fra m’el da-l costa], codjê djangoliso e alguns fanhango botado.
Nené arrependido e desesperado cu refogado que começa ta bem de cozinha, tchero propi que ta abri alguém apetite, continua ta dá se zubiu um bocado froxo, pamo ânsia de fome começa ta desperta n’el.
Sem pode resisti más, el bai conhos – conhos e el fra Nha Maria: Nha ca ta fra-m quel cusa que nha fraba mim quel ora?
Nha Maria, mudjer sabida e de volta tcheio, dento del é sabia que era quel almoço, má el fingi de nobo [ da pa desentendido] e el fra-l: Não, m’ca sta lembra cusé; bu pode fra-m cusé?
Nené, cu quel ar de ganância, ma também squado, fra-l: Parce-m ma nha fraba mim sim cria almoçaba; se era quel nha podia serbiba-me?
Nha Maria da quel sorriso, sinal de bondade, e Nené cu ar de néscio “bedjaco”, entende ma prato ta binha caculado.
Continua...
Napoleao Andrade
Era na mês de Maio, 12 hora de dia, que sol ta senta-nu riba tchada cabeça, que até nos sombra ta perda na tchon, que Nene parce na Tchã moda tudo quês otro jornada quel ta faze temporariamente pel toma gasadjo.
Normalmente, el ta mora cu pessoas quel ta senti afinidade, seguro e leal.
Pa coincidência el bate na porta certo, casa muto hospedero de Nha Maria.
Nha Maria, cu quel geto sabi, pega-l na comberso, djunto cu trabadjo e orde de cozinha. mudjer ordera e de cozinha refogado, manda se fidjo Mané tiça lume pel pode da atenção na visita que tchiga e aproveita também de caba tchana pato, codjdê djangoliso e alguns fanhangos que stà na berado casa.
Cumo és cababa de almoça, Nha Maria, mudjer sabona e também partioza, convida Nené se’l cria almoçaba, dja que tradiçan de fora sempre é agradece e recebe forasteiro sabe e contente.
Ma Nené, sem da pa nada el fra m’el ca crê ; brio de corpo...
Antan, Nha Maria continua ta tchana pato e depôs el bai pa berado casa, distância que inda ta permeti-l papia normal cu Nené [ assim pel ca fra m’el da-l costa], codjê djangoliso e alguns fanhango botado.
Nené arrependido e desesperado cu refogado que começa ta bem de cozinha, tchero propi que ta abri alguém apetite, continua ta dá se zubiu um bocado froxo, pamo ânsia de fome começa ta desperta n’el.
Sem pode resisti más, el bai conhos – conhos e el fra Nha Maria: Nha ca ta fra-m quel cusa que nha fraba mim quel ora?
Nha Maria, mudjer sabida e de volta tcheio, dento del é sabia que era quel almoço, má el fingi de nobo [ da pa desentendido] e el fra-l: Não, m’ca sta lembra cusé; bu pode fra-m cusé?
Nené, cu quel ar de ganância, ma também squado, fra-l: Parce-m ma nha fraba mim sim cria almoçaba; se era quel nha podia serbiba-me?
Nha Maria da quel sorriso, sinal de bondade, e Nené cu ar de néscio “bedjaco”, entende ma prato ta binha caculado.
Continua...
Napoleao Andrade
Sem comentários:
Enviar um comentário