Pasadinha de pena azul
Nha quê pásu d’arbisa
Nha bua-m de Norte pa Sul
Nha traze-m nobidade de Luisa
//
Trás d’orizonte
Tem terra longe
Ami riba dês monte
Cu sodade de Monge
//
Avião cruza céu
Barco trobesa mar
Bento tra-m tchapéu
Nha sonho bai n’ar
//
Oredja zubia-m, m-fra amém!
Pustana treme-m, conta-m quel mem
Mon dá-m tchusada, m-fica indem!
Pé-dibaxo cosa-m, m-pensa além
//
Pasadinha tchiriri riba casa
Malero conco-m na porta
Nha braço abri in asa
Vinte dola tchiga pa farta
Napoleão Andrade
Sem comentários:
Enviar um comentário