CAMINHO DE SCOLA

Parabéns pa tudo meninos de quel tempo
Que cu pedra-conta na saco libro
Anda dezenas de quilómetros
Pa tem primero grau
//
Cu sol quente moda lume
Ta badja na odjo de menino cu fome
Na caminho longe cu dor de brasa
Na sola pé de criança descalço
//
Seja abençoado tambarina e barneda
Djunto cu simbrom, frera e azedinha
Que na bera strada e caminho
Stende ses fruto pa meninos de scola
//
Hoje cu carro e computador
Cu lanche na scola e dinhero na bolço
Coração de pais bira mas triste
Traçado pa destino de gangs de rua
//
Inda ntem fé
M’es geração ta muda
Sociedade ta bira mas seguro
E nha terra ta nina-m
Na baloiço se morabeza

Napoleão Andrade