DJARFOGO 2100

N ta torna encarna(nece)
Na Djarfogo nha cretcheu
Na barriga de mãe bonita
Coberto de aura diafano
Pa pedido de home decente
//
Es obra de Sprito Criador
Ta realiza na piscina natural
De Salina nha berço encanto
Na motel de 5 strela
//
Djarfogo ta ser otu cusa
Unde tempo de Napoleão
E tudo se geração
Ca ta existe mas
//
Nobo sol ta lumia Djarfogo
Salina ta ser paraíso de encanto
Vurcã ponto de mira
E rotcha tchã
Caminho de homes “aranha”
//
Destino ta ser scrito
Cu caneta de sperança
E lápis de carvão
Ta furriado la rubera

Por: Napoleão Andrade