MONA LISA

Antes de retrato
Bu foi mudjer
Cobiçado pa propi pintor
Na traços de se pincel
//
Es sorriso chinchabido,
Spedjo dum alma maltratado
Pa desencontro de um amor
Linguara mas alto
Que tristeza de bu propi odjo
//
Dento de bo
Sta mágoa de tanto tempo
Marcado pa insónia de bafos embriagados
Na impotência de um desejo abordado
//
Rainha e beleza mediaval
Carne rósea de chama de lume
Que hoje na tapete burmedjo de Hollywood
Ó na pasarela de bikinis
É ca mas que desfeita
Pa beldade moderna
//
Mas, mesmo assim
Fama e valor dja bu tem dja
//
Por isso,
Bu sta na salão de “Reis” e “Rainhas”
Como retrato furtuna,
Obra sublime de tudo tempo

By:
Napoleão Andrade